Опозициската ВМРО-ДПМНЕ во Делчево денеска објави Јавен повик за кандидати за советници во Советот на Општина Делчево на претстојните Локални избори кои ќе се одржат на 17 октомври.
Ова е досега најотворениот јавен повик на кој што може да се пријават било кои граѓани, кои имаат визија, идеи и знаење за да допринесат за развојот на Делчево и кои ги поддржуваат политиките на ВМРО-ДПМНЕ.
“Имаш визија да го подобриш живеењето во Делчево? Знаеш како и можеш да ги наметнеш своите квалитетни идеи за развојот на нашата општина во наредните 4 години?
Ако сакаш и си подготвен да станеш СОВЕТНИК во Советот на Општина Делчево од редовите на ВМРО-ДПМНЕ на претстојните Локални избори, овој ЈАВЕН ПОВИК е за тебе.
Сите заинтересирани граѓани кои што ги поддржуваат политиките на ВМРО-ДПМНЕ можат да поднесат своја Кратка биографија и Мотивационо писмо на е-маил: umsdelcevo@gmail.com од денеска (среда 11.08.2021 година) до понеделник 16.08.2021 година до 12.00 часот, по што секој заинтересиран кандидат дополнително ќе биде исконтактиран од страна на претставник на ОК на ВМРО-ДПМНЕ Делчево за дополнителни фази при изборот.”
_стои во јавниот повик на Општинскиот комитет на ВМРО-ДПМНЕ Делчево.
“
