Денеска на прес конференција од Општинскиот комитет на ВМРО-ДПМНЕ во Штип го прозваа актуелниот градоначалник Сашко Николов за неспособноста на локалните власти кои не можат да обезбедат превоз за учениците во штипските училишта.
“Почитувани,
Ваква несериозност кон образованието и учениците немало никогаш до сега! Најголем број од учениците кои патуваат до нивните училишта и за кои училиштата треба да обезбедат превоз, или сами се снаоѓаат, или наставата ја следат on line!
Да, добро слушнавте!
Училиштата во Штип, со исклучок на едно или две од нив , поради несериозното однесување на претпоставените, доцнат со тендерските постапки за превоз на ученици, кое родителите ќе ги чини цело богатство во текот на овој месец. Тоа што сѐ уште не се избрани оператори за реализација на превозот, е непобитен факт за незаинтересираноста на надлежните за успешно спроведување на образовниот процес. Односно, во време на пандемија, кога голем број од родителите остануваат без работните места, ќе бидат обременети со дополнителен трошок за транспорт на децата. “
-соопшти денеска на прес конференцијата Весна Ничева од ОК на ВМРО-ДПМНЕ Штип.
