Потпретседателот на ВМРО-ДПМНЕ, Александар Николовски кој е еден од најгласните противници на Преспанскиот договор во изминатиот период, разоткрива план за уништување на ВМРО-ДПМНЕ од страна на актуелната владеачка гарнитура во власта предводена од СДСМ и Зоран Заев.
Ова е неговата порака во врска со обидите за уништување на опозиционата партија преку редица конструкции кои се провејуваат во јавноста:
Откако на СДСМ и нивните сателити не им успеа планот за уривање на ВМРО-ДПМНЕ, во напад на паника заради нереализираната цел, се обидуваат преку спинови, извртување на тези и полувистини да направат раздор во раководството на ВМРО-ДПМНЕ. Така се следат сите мои изјави и интервјуа, од нив се вадат од контекст зборови или тези кои кога ќе се погледне интервјуто значат едно, кога ќе се испинува значат друго. Знаеме покрај реализаторите кои се и инспираторите. Луѓе кои повеќе не се членови на ВМРО-ДПМНЕ. Интересно е како овие луѓе кои долго кажуваа дека се столбот на ВМРО-ДПМНЕ наеднаш се координираат и договораат лажни медиумски спинови со перјаниците на владината пропаганда. Обидот е јалов зашто е прочитан. Имам само едно да порачам и на реализаторите и на нарачателите ,,гладна кокошка просо сонува“ .
-напиша Александар Николовски на фејсбук.
