Во неодамнешното свое интервју за “Слободна ТВ” Генералниот секретар на ВМРО-ДПМНЕ Игор Јанушев на прашањето на новинарот Чомовски:
Дали ВМРО-ДПМНЕ останува на “тврдите позиции за проблематизирање на Преспанскиот договор” и ставовите од резолуцијата околу Македонскиот јазик и односот со Бугарија?,
одговорот на Игор Јанушев беше:
-Не гледам што е тврдо во тоа да ја браниме позицијата која што од самиот почеток сме ја имале. Не сме ние Заев ниту СДСМ па денес сабајле да зборуваме едно а до вечера на прес или изјава да кажам нешто што е 180 степени различно.
Со дополнување на прашањето од страна на Чомовски дека:
-различно е кога еден лидер како што е Мицкоски кој претендира да ја води владата остава простор за сомневање дека со 80 гласови иако тешко може да се обезбедат но во Македонија се е можно- кога Заев можеше да обезбеди 80 пратеници за промена на уставот веројатно може и Мицкоски, да се промени Преспанскиот договор.
На тоа Јанушев јасно и гласно одговори:
-Со 80 пратеници и Бадентерово мнозинство се менува Уставот, а не Преспанскиот договор. Не гледам што е тука проблематично: тоа е формалната постапка согласно Уставот за негова промена, и без тоа не може да се направи ништо поинаку.
-Ние би биле несериозни и би биле буквално за еднократна употреба доколку кажеме дека со 80 пратеници и Бадентерово мнозинство ќе направиме нешто и ако имаме прилика тоа да го направиме- не го направиме. Тогаш за што сега седиме за што разговараме и за што сме се решиле да се занимаваме со политика. Пак ќе повторам: Ние не сме СДСМ, ние не сме Заев. Ако нешто кажеме дека ќе го направиме и ако излезе така како што сме кажале, нормално дека ќе го направиме, без разлика за што станува збор. Тоа што ќе го ветиме тоа и ќе го направиме. Нема да има лажни ветувања, нема да има ветувања за брда и долини како тоа што го прават Заев и СДСМ. Се она што ќе го ветиме ќе го реализираме.
-Преспанскиот договор за нас е капитулантски договор и ќе направиме се што можеме во рамките на демократското институционално делување внатре и надвор да делуваме во согласност со нашите уверувања и кажувања до сега.
Овој дел од интервјуто каде Јанушев во предвечерие на Предвремените Парламентарни избори, зборува за едно од најгорливите прашања за Македонскиот народ може да го погледнете во интервал од 16:10 до 19:50 од видеото во продолжение.
