Огромно внимание покрај инвестиции во капитални проекти кои што значат економски развој на општина Штип, Градоначалникот Иван Јорданов посветува и на проектите кои што го подобруваат квалитетот на животот и му даваат вистинска урбана димензија на сите населби во општината.
Токму еден таков јавен простор беше предмет на интензивна и посветена реализација на повеќе активности во изминатиот период на локалните претпријатија во Штип чии што вработени во континуитет работат во функција на овозможување на подобар живот за граѓаните.
Жителите на населбата 8- ми Ноември заслужено треба да бидат горди на овој граѓански јавен простор уреден со минимални сретства а има особено позитивен ефект за јавниот живот во населбата.
“Од денес жителите на населбата 8ми Ноември ќе можат да го користат новиот повеќенаменскиот парк.
Паркот е целосно ограден и осветлен со поставена вештачка трева за мал фудбал, специјализирана подлога за баскет, летниковеци и останати детски реквизити. Овој проект е во вредност од 1.500.000,00 денари, средства обезбедени од Буџет на Општина Штип.
Со градежни активности започнуваме и во други населби низ градот се со цел модернизирање и урбанизирање на Општина Штип.”
-информираше градоначалникот Јорданов во врска со ова некогаш запустено место а сега урбано катче за сите генерации…
