Живот за сите- вака гласеше слоганот на СДСМ во кампањата за локалните и парламентарните избори. Овие зборови често беа кажувани и од сега актуелниот директор на клиничката болница Ален Георгиев. Меѓутоа оној кој највеќе треба да го носи и чува животот на пациентите по се изгледа реши да си поигрува со истиот. Па така директорот Ален Георгиев со парите на граѓаните во последните неколку месеци оствари повеќе патувања во странство. На неговата карта се најдоа дестинациите Израел, Хрватска и Индија. И сетоа ова ќе беше во ред ако институцијата кој тој ја раководи цветаше и немаше никакви проблеми. Меѓутоа работите се сосема поинакви. Во клиничката болница во Штип веќе неколку месеци не работи апаратот за компјутерска томографија. Речеси на секое одделение недостасуваат основни средства за нормална грижа за пациентите. Хигиената во болницата е еднаква на нула, а пак организациониот хаос кој владее е рамен на поговорката снајди се ако можеш. Изградбата на новата клиничка болница речиси е целосно запрена. Набавка на нови апарати нема а постојните ниту се одржуваат ниту се сервисираат. И во целиот овој хаос директорот си најде слободно време да се шета. Логично се поставува прашањето кој е бенифитот од сето тоа за пациентите. Одговорот не е тежок, никој! Каков живот ветуваше директорор Георгиев на митинзите само тој знае а граѓаните едно знаат дека доколку сами подобро не се погрижат во болницата со кој тој раководи може да останат без живот.
Наместо да се слика и шета редно е директорот да почне вистински да се грижи за пациентите и да ја исполни заклетвата која ја положил пред да стане директор. Време е!
