Наместо по улиците, автобусите денеска паркирани пред општина Битола. Битолските превозници незадоволни од најавената Одлука за начинот на организирање на бесплатниот превоз на ученици во општинските основни и средни училишта со општинскиот линиски превоз на патници и донесувањето на тарифа за измена и дополнување на Тарифата за општинскиот линиски превоз беа присутни и на седницата на Советот, при тоа останувајќи цврсто на своите ставови дека под тие услови кои им ги наметнува градоначалничката нема да продолжат да ги возат учениците, но и граѓаните на општина Битола со линискиот превоз.
Повлекувањето на одлуките не значи решавање, туку само одлагање на проблемот со бесплатниот ученички превоз, оценуваат советниците од ВМРО ДПМНЕ и коалицијата.
-Овој проблем заради неспособноста на Наташа Петровска веќе долго време постои, за што мината учебна година 2017/18 Петровска и уште две директорки на средни училишта добија кривични пријави, а сега повикуваме, по допрен глас кривична одговорност да понесат и Наташа Петровска и сите директори на училиштата каде не е организиран превозот на учениците, велат советниците на ВМРО ДПМНЕ и коалицијата.
„На потег се надлежните институции, а за жал Битола останува со колабиран превоз и колабиран воспитно-образовен процес. Време е, Наташа Петровска вистински, овој пат, да си поднесе оставка“, бараат советниците од ВМРО ДПМНЕ и Коалицијата во Битолскиот совет.
Превземено од Курир.мк
