„Сто дена живот во Штип“, под овој наслов денес градоначалникот на Општина Штип, Благој Бочварски ги презентираше своите активности во неговите сто денови откако е стапен на функцијата градоначалник.
Меѓутоа, презентацијата падна во сенка на публиката која го слушаше градоначалникот. Она што можеше да се забележи дека во публиката седат само партиски функционери, раководители и директори кои под партиска наредба во екот на работното време ги напуштија своите работни места и заминаа да го слушаат отчетот на градоначалникот Бочварски. Освен функционерите во публиката можеше да се забележи и по некој вработен од општинската администрација како и неколкумина партиски членови. Иако настанот беше најавен пред неколку денови истиот доживеа медиумски дебакл. Причините поради кои дојде до тоа, Бочварски да си зборува сам на себе, пред публика вештачки донесена да го слуша останува да ги открие самиот тој и неговиот тим. Овој дебакл секако се коси со духот кој тој самиот го најавуваше за транспарентност и отвореност пред граѓаните. Можеби пак тој да е отворен но граѓаните не покажуваа интерес за тоа што тој го зборува. Останува на граѓаните да ги детектираат вистинските причини зошто не сакаат да го слушаат градоначалникот кој сами го избраа.
Во однос на сработеното кое го презентираше пред партиските членови, можеше да се забележи многу зборување а малку конкретни дела. Од она што го наведе дека е сработено беа всушност проекти кои ги довршува од неговиот претходник а пак за неговите говореше дека се ставени на хартија и чекаат добри времиња за реализација. Половина од брошурата која ја подели и ја презентираше пред присутните е исполнета со средбите и кафе дружбите на градоначалникот со различни претставници на меѓународни и домашни институции. Ова претставува новитет во проектите, од кога кафе муабет претставува реализиран проект и кој бенфит имаат граѓаните од тоа останува на самиот градоначалник да одговори.
Сепак, граѓаните се вистискиот судија и тие најдобро можат да расудат дали навистина во овие сто денови стигнал животот за нив или тоа ќе остане само илузија и кажана фраза.
Линк до отчетот на градоначалникот за сработеното во првите сто денови.
