Цветан Трипуновски денеска на прес конференција од Струмица реплицираше на прес конференцијата на поранешниот министер за земјоделство, шумарство и водостопанство- Љупчо Николовски кој што сега како генерален секретар на СДСМ денеска се обрати во јавноста.
Трајан Димковски се исплаши, па мораше да го повика на помош Љупчо Николовски да го брани. Љупчо и ти и Трајан и Зоран Заев, сите заедно сте виновни за лошата ситуација во македонското земјоделство.
Ти Љупчо заедно со Зоран Заев им ветивте на лозарите сигурен откуп и високи откупни цени. Па нели ти е срам Љупчо што три години ништо не направивте!? Сигурен откуп нема, а цените се ниски, по ниски од што беа.
-рече Цветан Трипуновски и продолжи:
Земјоделците се напатени луѓе, кои со што многу труд и пот си го заработуваат лебот.
Немојте само да им го земате од уста.
Но Љупчо, бидејќи Трајан те викна тебе да го браниш, а ти сигурно ќе го викнеш Зоран Заев, кажи му на Заев дека земјоделците не ви простуваат. Од тука од земјоделска Струмица јас ви порачувам дека на СДСМ му се гледа крајот.
Во продолжение погледајте ја целата прес конференција на членот на Извршниот комитет на ВМРО-ДПМНЕ , Цветан Трипуновски:
