Денеска на прес конференција Општинскиот комитет на ВМРО-ДПМНЕ организираа возење на саркастичен начин со ветената жичара на Градоначалникот на општина Штип, Благој Бочварски.
Во продолжение ја пренесуваме интегрално прес конференцијата на Игор Ефтимов од ВМРО-ДПМНЕ:
Денес е одличен ден, за да се повозиме со жичарата. Пролетното сонце е совршено за да го видиме градот од високо, да ја разгледме тврдината Исар и да ја почувствуваме магијата на природата.
Но, да се вратиме во реалноста!
Жичарата на Исарот не постои!
Таа е само бледо ветување, по кое ќе го паметиме сегашниот Градоначалник на Општина Штип. Со наивност, без искуство, Бочварски ветуваше проект, за кој уште на почетокот сите знаевме дека е научна фантастика.
Две години после неговиот мандат, се уверивме дека и тој не верувал во истиот, затоа што нема идеја како да го реализира.
Меѓутоа, за трагедијата да биде уште поголема и граѓаните да бидат уште поразочарани, Градоначалникот не реализираше ниту еден конкретен проект од кој жителите на Штип би имале некаков бенефит. Она за кое зборува секојдневно се „ЌЕ“ проекти, кои повеќе наликуваат на празни ветувања, отколку на реалност.
Почитувани сограѓани,
Жичарата на Исарот ќе ни остане сатиричен спомен од неуспешен мандат на еден Градоначалник на Општина Штип.
Жичарата е симбол на лажни ветувања, кои за момент имаа пирова победа.
Но, манипулацијата на Градоначалникот доживеа пораз, затоа уште на првите избори народот ќе ја казни оваа однародена и предавничка владеачка структура!
