Повеќемина претставници на делчевската дијаспора започнаа иницијатива за хуманитарна помош на најпогодени граѓани на Делчево од негативните ефекти на вонредната состојба која е прогласена како последица од се позагрижувачките информации поврзани со пандемијата на Ковит 19 вирусот.
Акцијата ќе се реализира од страна на здружението Меѓународен центар на Македонската дијаспора “Нова Зора” од Делчево со највисоко ниво на претпазливост за запазување на препораките на здравствените власти, а ќе бидат таргетирани граѓани од социјално ранливи категории кои се најпогодени од негативните ефекти на кризата.
Во продолжение го пренесуваме соопштението упатено во јавност од страна на МЦМД “НОВА ЗОРА” Делчево:
“ПОМОШ ЗА ДЕЛЧЕВО
(АПЕЛИРАМЕ НА ХУМАНОСТ И ПОСВЕТЕНОСТ)
“Хуманитарна помош за делчевчани во време на прогласена Вонредна состојба и пандемија на Ковит-19”
Голем број делчевчани преживуваат на раб на сиромаштија. Сега во услови на глобална светска пандемија на Корона вирусот претпоставките се дека најмногу (ќе) страдаат најсиромашните граѓани.
За таа цел покренуваме донаторска акција на Македонската дијаспора по потекло од Делчево за хуманитарна помош на социјални семејства во ризик за што полесно да ја преживеат здравствената и економската закана од КОВИТ-19 во периодот кој претстои.
Упатуваме јавен апел до сите Македонци по потекло од Делчево во рамки на своите можности да донираат финансиски сретства за помош на оние на кои најмногу им е (ќе им биде) потребна помош од ваков вид.
Прибраните финансиски сретства ќе бидат наменети строго за изработка и доделување на хуманитарни пакети за семејства во социјален ризик од Општина Делчево, кои ќе содржат:
-сретства за заштита (заштитни маски и ракавици)
-сретства за дезинфекција и лична хигиена,
-Прехрамбенни артикли.
Сретствата на донаторите било каде од странство може да се уплаќаат на девизната сметка на здружението:
MCMD NOVA ZORA DELCHEVO
IBAN CODE MK O7300701003610016
Bank KOMERCIJALNA BANKA AD Skopje
FILIJALA KOCHANI
SWIFT . KOBSMK2XKOB
или од Македонија на Трансакциската сметка на здружението
МЦМД НОВА ЗОРА ДЕЛЧЕВО
Трансакциска сметка бр. 300210000076316
Комерцијална банка АД Скопје
‼️ОДНАПРЕД ВИ БЛАГОДАРИМЕ НА ХУМАНОСТА И ПОСВЕТЕНОСТА🇲🇰
Напомена: За сите прибрани финансиски сретства и за помошта која ќе биде доделена јавноста и сите заинтересирани ќе бидат редовно информирани.
ПС. Методологијата за набавка и доделување на хуманитарната помош ќе биде реализирана строго согласно препораките за заштита на надлежните органи.
За асистенција при делење на хуманитарните пакети побарана е помош од Општинската организација на Црвениот крст од Делчево.
Со почит
Меѓународен центар на Македонската дијаспора “Нова Зора” Делчево”
