Портпаролот на опозиционата ВМРО-ДПМНЕ Димче Арсовски денеска излезе со своја изјава во јавноста од пред судот каде беше закажано судско рочиште во кое поранешниот генерален секретар и пратеник во Македонското собрание од СДСМ Александар Кирацоски го тужи Арсовски.
Димче Арсовски тврди дека тужбата ја добил поради смешни причини поради упатени прашања во јавноста до пратеникот Кирацоски кој е на платен список на јавна функција во Македонскиот парламент.
Во продолжение во целост ја пренесуваме неговата изјава во врска со овој случај, како и одговорот на повеќе актуелни политички прашања на новинарите:
“Денеска во 12:30 имаме подготвително рочиште по тужба од страна на пратеникот и поранешен генерален секретар на СДСМ, Александар Кирацовски упатена кон мене заради за нас смешни причини, упатени прашања од моја страна јавно на прес конференција кон пратеникот Александар Кирацовски, по негова дадена изјава откако излезе од распит од судот.
Прашања кои што ја занимаат целокупната јавност, верувам дека се уште ја занимаат бидејќи не се одговорени кој практично и ги потврди на еден начин во неговата изјава каде што и самиот Кирацовски на некој начин потврди дека се што е добро за неговиот град, тој е подготвен и е негова обврска да лобира во рамките на законот и да посредува за проекти од добробит на граѓаните.
Морам да истакнам два моменти. Најпрво срамно е да се тужи за упатени прашања, но ние сме тука, ние сме одговорни, ние сме чесни, ние сакаме да се дознае вистината затоа денеска сме тука да на некој начин ја изнајдеме вистината на суд.
Вториот момент кој што мора да го напоменеме е дека Александар Кирацовски во некое друго време и со некој друг јавен обвинител кој што нема да биде сервилен на власта, како што е Вилма Русковска на која што треба меѓу другото треба до крајот на животот да и пали свеќа и да се моли за нејзе, немаше да биде во судовите во својство на сведок за случајот „Рекет“ , туку најверојатно ќе беше во некое друго својство.
Уште еднаш сакам да ги повика медиумите, сакам да ги повикам граѓаните да го следат случајот. Сеуште нормално го повикуваме и Кирацовски да ги одговори истите прашања кои што беа поставени претходно. Тоа се добро познати која е неговата инволвираност во случајот „Рекет“.
Во однос на правосудниот систем, иако во моментов обвинителството и судството се сервилни кон актуелната власт, верувам дека за многу брзо ќе се смени тоа и граѓаните ќе можат да на некој начин ја најдат својата правда во судовите, наместо како што во моментов се потекнува од „Илинденска бб“, односно од главата на криминалниот октопод, Зоран Заев.”
Новинарско прашање: Имате ли денеска преговори за законот за јавно обвинителство?
Одговор на Димче Арсов: Во однос на преговорите и преговарачките тимови можам само да истакнам дека единствено на СДСМ и на владата на Рената Десковска, на Зоран Заев не им одговара да се донесе нов закон за обвинителство. Најверојатно поради одредени суети, одредено его и нормално за да можат да се заштитат од целокупниот криминал кој што ги има правено оваа влада во изминативе три и пол години. Во однос на законот за јавно обвинителство многу работи им беа посочени кои што ги посочуваше ВМРО-ДПМНЕ и од страна на експертите на јавната расправа, така да сметаме дека во моментов само СДСМ не сакам да се донесе закон за јавно обвинителство кој што треба да донесе неселективна правда за граѓаните. Во однос на преговорите доколку има нови моменти од страна на преговарачките тимови ќе бидете благовремено известени или денес во текот на денот или утре во текот на денот.
Новинарско прашање:Ќе поднесе ли ВМРО-ДПМНЕ амандмани?
Одговор на Димче Арсов : Како што реков за новите моменти веднаш штом се усогласат преговарачките тимови или тимот за преговори од страна на ВМРО-ДПМНЕ ќе дознаете нови информации во текот на денот или во текот на утрешниот ден.
Новинарско прашање:Имате ли покана за учество на дебата во поширок состав на работни групи во текот на денешниот ден?
Одговор на Димче Арсов: Во текот на денешниот ден дали има покана за учество на работните групи за дебата немаме информација, бидејќи како што реков се подготвувавме за рочиште, но во однос на преговорите можам уште еднаш да напоменам дека сето она кое што сака да го направи во моментов СДСМ е само една фарса да донесе закон кој што ќе биде во нивна корист односно да го заштити целокупниот криминал кој што моментално го прават. За сите нови детали, нови чекори од страна на ВМРО-ДПМНЕ ќе бидете известени или во текот на денот или утредента.
