По победата на Иван Јорданов во трката за градоначалник во Штип на штотуку изминатите Локални избори кој што пред изборите беше пратеник во Македонскиот парламент, нов пратеник на негово место доаѓа Драган Ковачки кој што беше нареден кандидат за пратеник на листата на кандидати за пратеници на минатогодишните предвремени парламентарни избори.
Локалните избори 2021 во првиот и во вториот круг донесоа промени во собранискиот состав откако четворица пратеници победија во трката за градоначалници ширум државата. Така Костадин Костадинов од СДСМ, кој сега е градоначалник на Струмица го напушти пратеничкото место. На негово место во парламентот доаѓа Љубица Спасова со реден број 12 од листата на партијата на минатите избори. Тимчо Муцунски стана нов градоначалник на Општина Аеродром а на негово место доаѓа Тони Јаревски од ВМРО-ДПМНЕ, кој беше на осмото место на листата на партијата и коалицијата во првата изборна единица. Откако Дарко Костовски од ВМРО-ДПМНЕ стана градоначалник на Општина Бутел во собраниските купи него ќе го замени Зоран Коцевски, кој на листата на пратеници во втората изборна единица беше на осмото место.
Во вториот круг од локалните избори градоначалници станаа и Кирил Пецаков од ВМРО-ДПМНЕ во Охрид и Биљал Касами од БЕСА во Тетово.
