Филозофскиот факултет при Универзитетот „Св. Кирил и Методиј“ во Скопје има чест да Ве покани на еднодневна научна трибина Договорот меѓу Грција и „Втората страна“: Пандорина кутија или излез од лавиринтот, која ќе се одржи на 3 септември (понеделник) 2018 година во Салата за состаноци на Филозофскиот факултет во Скопје, од 10:00 до 12:30 часот.
Трибината е дел од планираната серија научни и јавни дебати за најгорливите прашања и предизвици со кои се соочува македонското општество и држава, во организација на Филозофскиот факултет во Скопје.
Во оваа пригода, Ве повикуваме да учествувате со Ваши размисли и сознанија за можните консеквенции и импликации од Договорот како, на пример, прашањето на идентитетот, правната држава, науката и образованието и евроатлантските интеграции.
Модератор на трибината ќе биде проф. д-р Константин Миноски.
По кусите воведни излагања, ќе следува отворена дискусија на присутните
