Во функција на целосна транспарентност и подобрување на квалитетот на внатреинституционалната демократија градоначалникот на општина Виница Миле Петков на последната седница на Советот на општина Виница одговараше на редица на советнички прашања. Во фокусот на програмските определби на градоначалникот Петков е постојано подобрување на јавноста и транспарентноста на неговото работење како и работењето на локалните институции кои што се под негова ингеренција а се со крајна цел на спроведување политика во функција на задоволување на интересот на граѓаните. Од тие причини од последната девета седница на Советот на општина Виница локалната власт започна со пренесување на седниците на советот преку социјалните мрежи, со цел дискусиите и работата на Советот да биде донесена поблиску до граѓаните за чиј што бенефит работи локалната власт предводена од градоначалникот Петков.
“Во прилог видео од одговори на советнички прашања со кои беа опфатени повеќе актуелни теми за граѓаните на општина Виница.
Исто така на 9-та седница на советот на општина Виница се донесоа неколку значајни одлуки:
– Донесен ДУП за Блок 6, дел 1, 3 и 4 за град Виница со вкупна површина од 17,99 хектари, плански опфат ул. „Илинденска“, ул. „Кеј 30-ти Август“, новопроектитана улица „2001“ од ГУП на град Виница, по оска на регулација на Градечка река;
-Советот даде зелено светло и за почеток за изработка на ДУП за с.Градец и населба Градец со проширување на опфaтот за населба Градец со што ќе се овозможи оформување на градежни парцели за индивидуално домуваање за млади по почетна цена од 1 евро/м2 во м.в. Дива Топола;
-Донесен беше Правилник за критериумите и постапката за доделување на еднократна парична помош на физички лица;
-Донесена беше Одлука за определување на граници на заштитени зони околу водозафатните објекти за водоснабдување на населеното место Блатец.”
-информираше градоначалникот Миле Петков во јавноста.
Целиот овој дел од седницата на Советот на општина Виница каде градоначалникот Петков одговараше на советнички прашања може да го погледнете во продолжение:
