Министерката за дигитална трансформација во владата на Република Словенија Емилија Стојменова Дух која што е по потекло од нашата општина Виница, преку социјалните мрежи укажа на причините зошто не се придружува кон честитките и не се радува во врска со Унилатералната декларација на Бугарија во прилог на протоколот за преговори на Македонија за членство во ЕУ.
Таа напиша дека “не е злато се што сјае” споделувајки твитер објава на словенечкиот кореспондент во ЕУ во Брисел Петер Жерјавиќ во која тој покрај искажаната радост за почетокот на пристапните преговори на Македонија со ЕУ, дополнително информира дека Бугарија приложила унилатерална декларација со која што не го признава Македонскиот јазик, со која што тој треба да биде само уште една кодификација на Бугарскиот јазик збогатена со локални форми.
