На социјалните мрежи се појави видео на кое Македонец од Воден, Грција ги повикува своите сограѓани да го изучуваат Македонскиот јазик.
“Вашите деца имаат право да го учат Македонскиот јазик- јазикот кој го зборувале вашите претци, вашите татковци и дедовци и баби. Оставете ги слободно да го учат Македонскиот јазик. Грчкиот нека биде прв, но да учат како учат англиски, француски, германски, руски, да го учат и Македонскиот Јазик.
Две организации се создадоа: Во Воденско и Сопотско- Крсте Петков Мисирков и во Лерин- Центар на Македонскиот јазик.
Нема да правите ништо против грчкиот закон, нема да се мешате во политика. Оставете ги слободно вашит деца да го учат Македонскиот јазик. Од вас зависи- родителите. Поздрав од Воден, Егејска Македонија.”
-вели лицето во видеото на кое што има песна со повик за обединување на сите Македонци.
