Дали сте знаеле дека ФК Вардар е единствен клуб на светот кој низ својата историја може да се пофали со освојување на титули со игрите на теренот во 3 различни држави.
Да одиме по ред.
– Царска Бугарија 1942г…
Со цел инкорпорирање на Македонија во рамките на Бугарија, Бугарскиот Фудбалски Сојуз испраќа барање за пријавување на екипа од Македонија која ќе се натпреварува во Бугарската лига. Скопските Фудбалски ентузијасти го реактивираат Фудбалскиот Клуб Македонија, основан во 1929г. како сојуз на неколку Скопски клубови, како најдобриот во тоа време – ФК Граѓански, потоа ФК Вардар Топаана, и други, и се пријавува под името ФК Македонија. Мајката основач на ФК Вардар заедно со Скопска Победа.
Титула спомената и признаена од Радио Лондон, со епитетот “првата слободна територија во Југоисточна Европа”
– СФР Југославија 1986/87 – признаена од УЕФА
– 11 титули во Република Македонија
Составот на некрунисаниот Шампион во рамките на Царската Бугарската лига како сателит држава на Вермахтот, ФК Македонија (денешен ФК Вардар) е следниот:
Голман – Васил Дилев
Десен бек – Бодан,
Лев бек – Жико,
Десен халф – Гагуш,
Центар халф – Галичанецот,
Лев халф – Гајда,
Десно крило – Трајче Жена,
Десна полутка – Јане Јанев,
Центарфор – Луков Драган,
Лева полутка – Тозо
Лево Крило – К.С.Џина
И на крај како тренер легендата – Илеш Шпиц кој од Хајдук Сплит доаѓа да го предводи ФК Македонија а подоцна заедно со фудбалската легенда Кирил Симоновски Џина и ФК Вардар.
Тимот на ФК Македонија со игрите во шампионатот и покрај сите притисоци, од Бугарските новинари го добиваат епитетот “11-те синови на Македонската земја”. Тим кој единствен во лигата од 18 тима не отпоздравува со нацистички поздрав. Тим кој не знае за пораз, со само еден нерешен резултат и тоа против фаворизираниот Бугарски тим Левски Софија и тоа со дирекна и очигледна помош од Бугарскиот фудбалски сојуз (статива признаена како гол), кој не може да истолерира тим со име Македонија да биде шампион на Фашистичка Бугарија. На денешниот Градски стадион во првиот финален двомеч за титулата, пред 6000 публика резултатот е 1:1 поради судиските лакрдии, и при тој резултат мечот е прекинат и е нелогично регистриран со 0:3 за Левски. Додека во реваншот поради лошиот непријатен пречек на Левски од страна на Скопската публика (скандирање Долу Бугари, Да живее Слободна Македонија, Смрт за фашисти…) Бугарската влада наредува да се исполни стадионот, па пред 50.000 гледачи во Софија се случуваат низа лакрдии како поништување чисти голови, несудење фаули, топки уфрлани со рака наместо нога, и по наредба на Бугарскиот фудбалски сојуз а под директен диктат на Фашистичка Германија и Бугарија, Левски е прогласен за шампион. Титула која по сите фудбалски правила им припаѓа на ФК Македонија, мајка на денешниот ФК Вардар.
Низ што се минувал тимот ќе информираме во наредниот период се до 22 Јули, роденденот на Вардар, последниот ден од постоењето на ФК Македонија.
#Историја #Традиција #Непокор #Вардар #Македонија
ФК Вардар е единствен клуб на светот кој освојувал титули во 3 различни држави
