Како дел од основните програмски определби на градоначалникот на општина Виница за подобрување на стандардот за живеење на граѓаните, денеска беше потпишан Меморандум за соработка со Здружението за унапредување на меѓусебната доверба ТАКТ.
Градоначалникот Миле Петков на чинот на потпишување на овој значаен меморандум соопшти дека овој документ ќе овозможи подобрување на можностите за неформално образование за деца и младинци во Виница, во насока на зголемување на социјалната инклузија и кохезија преку спортот.
“Денес потпишав Меморандум за соработка помеѓу Општина Виница и Здружението за унапредување на меѓусебна доверба TAKT – Together Advancing Common Trust. Потпишувањето на овој Меморандум е да обезбеди рамка во која ќе бидат претставени предлози за програми за соработка помеѓу двете страни во областа на здравиот и активен живот, социјалната вклученост на младите и младинскиот развој.
Целта на Меморандумот е меѓусебна соработка и реализација на активности и проектни работилници, кои ќе придонесат кон подобрување на здравиот и активен живот на младите во Општина Виница преку методологијата на спорт за развој, со цел да се подобрат можностите за неформално образование за деца и младинци во Виница, во насока на зголемување на социјалната инклузија и кохезија преку спортот.”
-информираше градоначалникот Миле Петков во оваа прилика.
