Грозјето се продаде, а пари за лозарите од Повардарие нема

Лозарите се закануваат дека ќе ги блокираат патиштата откако побараа финансиската полиција да ја преиспита цела ситуација бидејќи грозјето било откупено, а не е платено.

Лозарите се гневни бидејќи како што кажуваат не се почитувал договорот што бил потпишан.

-Блокирани се двете капии на винаријата и не дозволуваме влез или излез на било каков имот на винарската визба. Овој протест легално е пријавен во полиција. Работата е што не го почитуваат договорот што е потпишан, рече Илија Јанчев, член на Иницијативниот одбор за протестот.

Владата нема слух за лозарите, па ним не им преостанува ништо друго освен со протест да си бараат да им се исплатат обврските. Винаријата им должи на огромен број на лозари, а надлежните молчат.

Инаку, oд 2008 год, ВВ Повардарие е 100% сопственост на Вино Жупа од Александровац – Република Србија.

Јавноста се прашува зошто не им се исплаќаат парите на лозарите ако се знае фактот дека Владата дозволи извоз на виното, а лозарите уште не можат да ги добијат своите средства.

Лозарите се гневни заради лошата политика и лажните ветувања. Владата на Зоран Заев им ветуваше помош за земјоделците и решавање на нивните проблеми, но на терен ситуацијата е сосема поинаква.

Извор: Курир