Денеска на прес конференција од опозиционата ВМРО-ДПМНЕ од Пштинскиот комитет во Штип ги обвинија надлежните од власта за негрижа кон граѓаните во однос на нивното снабдување со вода за пиење во текот на годината.
Во продолжение во целост ја пренесуваме прес конференцијата на советникот Игор Ефтимов од општинскиот совет во Штип од редовите на опозицијата:
“Почитувани,
Оваа година ќе ја запаметиме не само по појавата на вирусот Ковид 19, туку и по негрижата на ЈП Исар за граѓаните на Општина Штип.
Од направената анализа, се утврдува дека:
- Во месец Септември граѓаните останале без вода 7 пати
- Во летниот месец Јуни дури 8 пати
- А во празничниот Јануари повторно 7 пати.
Ако ги собереме наведените бројки со останатите денови кога граѓаните биле без вода, добиваме дека Штип оваа година, до сега бил неверојатни 44 пати со рестрикции на основниот ресурс.
Кога на ова несовесно однесување ќе се додаде и пандемијата која еднинствен начин на заштита го сугерира миењето на раце, ни станува јасно колку ЈП Исар е посветен на општото здравје.
Катастрофалната состојба во ЈП Исар посебно се истакнува, поради јасно видливата неспособност да се справат со основните дејности, кои се во негова надлежност.
Меѓутоа, оставањето на граѓаните без вода за пиење во пикот на пандемијата, не само што е страшно и опасно, туку може да придонесе и кон појавување на некоја друга исто така заразна болест. “
