Претседателот на ВМРО-ДПМНЕ Христијан Мицкоски во јавноста и денеска изнесе еден еклатантен пример за тоа како актуелните власти предводени од СДСМ и ДУИ ја пљачкосуваат државата и сите граѓани.
“Како се пљачка Македонија, граѓаните и ЕЛЕМ денешно ЕСМ!!!
ЕСМ/ЕЛЕМ распишува оглас за продажба на ноќни вишоци на струја за периодот од 6ти до 12ти Август од 2 до 7 часот во вкупна количина од 1750 MWh.
Цената по која овие ноќни вишоци се продадени е 254,7/MWh!
За истиот тој период цената на струјата на HUPX (референтна берза при утврдување на цената на струјата во Македонија) е 310,37 €/MWh или по денови:
6/Август 281 €/MWh
7/Август 207 €/MWh
8/Август 312 €/MWh
9/Август 317 €/MWh
10/Август 304 €/MWh
11/Август 337 €/MWh
12/Август 414 €/MWh
Разликата во цена е:
1750 MWh x (310,37-254,7)€ = 97.422,5€
Заклучок: Македонија, граѓаните и ЕЛЕМ/ЕСМ за само 35 часа се оштетени за околу 6.000.000 денари и наместо вишоците да бидат понудени на стопанството кое плаќа според HUPX струја и грчевито се бори да опстане и да ги задржи работниците, парите се крадат и завршуваат во приватни џебови.
-соопшти во фејсбук статус Претседателот на ВМРО-ДПМНЕ Христијан Мицкоски.
За надминување на ваквата состојба која е присутна во сите пори на државата и секојдневието на граѓаните, потребна е максимална посветеност и граѓански активизам на сите кои сметаат дека на Македонија и е потребна нова влада. Со конкретни постапки и секојдневно делување да се сруши овој криминален картел на власта во рамки на едни предвремени парламентарни избори.
