Да не е смешно ќе е трагично. Што се веќе не можеме да прочитаме по локалните порталчиња. Лични ставови, нарачани објави, платено презентирање …
Понекогаш и работите не треба да се сфаќаат сериозно. Како на пример оваа објава:
Дали е потребен коментар?
За неполни четири месеци ја задолжија земјата за повеќе од половина милијарди евра (а постојано ја критикуваа претходната власт за наменските задолжувања за капитални инвестиции). Со тие средства не изградија ама баш ништо, уште повеќе прекинаа работа на автопати, укинаа покачување на пензиите, не донесоа странски инвестиции. Единствено нешто што не укинаа е радиодуфузната такса, што им беше главен приоритет во програмата за минатите парламентарни избори. Соочени со недомаќинското работење, за прв пат по повеќе од десет години сме во економска криза и постои сериозна можност да влеземе во рецесија.
Околу внатрешната политика – стравот повторно го всадија во обичниот граѓанин, како пред дваесетина години кога се однесуваа како шерифи по улиците. Криминалците ги ослободија и на сите ни е јасно дека ќе ги користат за денот на изборите. И кога никој не очекуваше поголема злоупотреба на правото, неодмана ги укинаа пресудите за убијците на петте православни момчиња кај Смилковсоото Езеро. Казните ги покачија, иако претходно со години ја критикуваа владата на Груевски дека го оптеретува граѓаниниот со високи казни.
За надворешната полиитка – кичмата никогаш толку не ни била свиткана! Меѓународниот углед кој дипломатите од ВМРО-ДПМНЕ го наметнаа како имиџ на државата, веќе е минато. Министерот за надворешни работи е подготвен да ги стави на продажба и името, знамето, идентитетот, историјата … На криминален и подмолен начин се потпиша договорот со соседна Бугарија, следува договор со нашиот јужен сосед, пред чие потпишување тие ќе ја корегираат нашата историја, а да не зборуваме за Тиранската платформа изготвена во туѓа земја, од страна на Еди Рама и коалициските партнери на СДСМ, а која Заев ја потпиша и која веќе ја спроведува …
Социјалдемократите навистина носат среќа на Македонија нели ?
