Кандидатот за градоначалник на општина Штип Иван Јорданов од редовите на ВМРО-ДПМНЕ и коалицијата во рамки на својата кампања лансираше нова и иновативна електронска платформа на интернет за комуникација со сите граѓани на општината.
Станува збор за апликацијата “Нова иднина за Штип” која што е достапна на интернет а каде е објавена предизборната програма на Јорданов за реализација во наредните 4 години како Градоначалник на најголемата општина во Брегалничкиот регион.
Програмата содржи голем број на проекти поделени во повеќе суштински поглавја преку кои значително ќе се подобри квалитетот на живот и стандардот на сите граѓани на општината без разлика на руралните места или градот Штип.
Она што е забележително кај оваа онлајн платфорна е можноста граѓаните да даваат свои конкретни предлози, проекти и идеи за реализација од идниот градоначалник на општината Штип. Исто така е особено иновативна е можноста останати граѓани да можат да ги оценуваат и да коментираат за веќе изнесените предлози и идеи на други граѓани.
Па така низ еден јавен и транспарентен процес може да се филтрираат најквалитетните предлози и идеи кои се од најголем интерес на самите граѓани за да можат истите да бидат реализирани во наредниот период.
