Општинската самоуправа и градоначалникот на Македонска Каменица Димче Атанасовски продолжува со инвестициите за овозможување на подобри услови за дечињата и вработените во детската градинка “Бамби” во Македонска Каменица. Оваа локална детска установа доби нова индустриска машина за перење алишта и нов фрижидер со што се подобруваат основните работни услови институцијата.
“Со средства од општинскиот буџет набавивме нова индустриска машина за перење алишта и нов индустриски фрижидер за Детската градинка “Бамби” од Македонска Каменица. На овој начин значително ќе ги подобриме условите за одржување на хигиена, како и за подготовка на храна за дечињата кои престојуваат во градинката.
Веќе работиме на набавка на нови душеци, креветчиња за јасли и за играчки за дечињата.
Продолжуваме посветено во обезбедување подобри услови за нашите дечиња.”
-соопшти градоначалникот на општина МАкедонска Каменица Димче Атанасовски.
