12 кајакари од полскиот клуб „Енергетик“ го одбраа градот Охрид и Охридското езеро за подготовки за националниот шампионат и интернационалните турнири ширум светот кои им претстојат. Условите во Охрид ги фасцинираа полските кајакари кои тренираат два пати дневно во жестоко темпо.
Ние сме тука многу задоволни. Многу е убаво времето, пред се, потопло е од Полска и всушност меѓу другото затоа тука и дојдовме. Бевме тука на регатата во август минатата година, многу ни се допадна тука, Охрид, Македонија, фантастично време, супер луѓе пред се, многу пријателски расположени, многу мило не примија, практично со се сме задоволни тука.
Со оглед на природните услови мислам дека полската федерација може да инвестира и да ги подигне техничките услови во Охрид.
Прво да се обезбеди место за хангар, после тоа да се изгради во кој ќе бидат сместени сите реквизити за тренинг. Температурната разлика помеѓу Полска и Македонија е голема и сите ние кои се бавиме со спортови на вода имаме големи проблеми околу подготовките,
– изјави тренерот на клубот „Енергетик“, Петар Војчеховски.
