Разните инфилтрати во редовите на антиглобалистите го доведоа до свршен чин човечкото битисување и националното чувство. Овие т. н. патриоти не размислувајќи за последиците се судрија луто зад превезот на иконите и на светците. Овие т.н. Македонци се само бледа слика на нивните идол мејкери, на урнекот, на колумнистите…
Не знаејќи како треба против власта на чело со Зоран Заев удрија и удираат по своите цепкајќи го и последниот отпор. Така доаѓаме и до практичните прашања. Колку е цената на една Икона во очите на еден колумнист, публицист, писател и автор? Кои се луѓе во денешно време имаат пристап до смарт фон и до лопата а да не копаат дупки наместо оние вработени во погребалните?
Тие ли се Оние кои водеа политики и решаваа судбини а сега како продадени души се кријат позади Светии и икони?
Каде се државните интереси? Нели проевропски настроенија?
Кој наш политичар би седел на маса со Макрон или со било кој француски претседател од нашата страна? Зоран Заев ли?
Со доаѓањето на власт на З. Заев, Македонија престана да функционира како држава. Така сите не перцепираат во светот…
Без принципи и ставови, без политика на отвореност и на чесност, со секојдневни лаги и гафови, тоа е СДСМ. Нема своја глава, нема став, нема свое…
Македонија се наоѓа во еден политички вакуум, со изморен и политички уништен Народ, со декларативни политичари и со неми набљудувачи.
Се направија смешни и глупави
договори со соседите, па промена на име, продажба на идентитет и историја и детално менување на кревката Матрица.
Денес сме сведоци на киднапирање држава, на киднапирање власт, на киднапирање протести… ни се случува масовен етноцид а ние како риби молчиме.
Голема срамота за оваа наша генерација! За овие другиве е важно полното меше и џебче, полните камиони со увезен токсичен материјал кој го горат без скрупули за човечкото здравје.
Денес имавме пример како се разбива протест, или како што велеше дедо ми Ѓорѓи Марков, Бог да го прости, со памук душа…
Ама овие луѓе сеуште веруваат во чуда, можеби и затоа ни се случува ова што се случува?!Ќе научат со кого си имаат работа!
Европа била виновна за се!? А тие пасивни и неми, од 40000 град излезени 400 од кои 44 полицајци, ах да, и 14 во цивил.
Не бива браќа држава, без инцијатива!
Застанете храбро на бедемот на Вистината и Правдата или фатете иселете се сите, а и јас со вас!
Па, така, само знаат да кажат, други ни одредуваат датум, други ни одредуваат живот, воздух, вода итн… кој ќе оди во притвор, а кој не, кој ќе живее, кој ќе умира, кој ќе работи, кој ќе се вработи а кој нема да живее!
Доста е бре браќа и сестри!
Дали луѓево, Народов се свесни и дали знаат дека во оваа држава медиумите се или на копче под партиска или под амбасадорска наредба и закрила, дали се свесни дека поголемиот број од т.н. интелектуалци лесно можеш да ги купиш со ситниш, со по некој проект, со по некоја невладина паричка, грантче, иновациичка од Фондот за перење плагијати, пара под рака, глас во парламент, уцени на пратеници и ВИЕ ПРАШУВАТЕ ЗОШТО БЕГААТ МЛАДИТЕ?!
Пишува: Гоце Марков
Колумнист, Македонец и Човек
