“Гледам една изјава на вице-премиерот за борба за корупција: Не било до корупцијата, туку било до перцепцијата за корупција. И секако, за сето тоа била виновна опозицијата.
Неверојатно!
„Виша класо“, очигледно е дека милувате да ја навредувате интелегенцијата на народот на овој начин, но еве да ве потсетиме: ја имате апсолутната власт, од Претседател на држава, Парламент, целата локална власт (со мали исклучоци), направите и министерство за пропаганда, медиумскиот простор е под целосна ваша контрола, ама опозицијата е виновна. ОК.
Ајде малку да се потсетиме: Заборавивте ли на изјавата на Боки дека парите од Луј Витонот се завршени кај Зоран и Вице Заеви? Се покрена ли постапка да ја дознаеме вистината и зошто не?
Заборавивте ли дека вашиот тогашен вице-премиер, а сега само министер за одбрана вечераше со истиот тој осуденик Боки? Која беше причината, дознавме ли? Заборавивте ли дека ваш директор на фонд за здравство, во ек на пандемијата беше снимен на камери како зема кеш пари? Постапката до каде е? Човекот каде е, по се изгледа не е во државата.
Заборавивте ли дека во ек на пандемија кога граѓани губеа животи по ходниците на болниците, вашиот министер за здравство имаше договорено да купи 3-4 пати поскапи респиратори од Бразил? Секако дека заборавивте.
Заборавивте ли на генсекот на Влада и договарањето во 4 очи на тендерите?
Заборавивте ли на мафијашката поделба на народни пари од фондот за иновации на ваши партиски војници?
Заборавивте ли дека имаше снимка каде јасно се слуша дека вашиот премиер кажува дека е договорено со Катица предметите од СЈО да паднат? Секако дека да.
Конечно, заборавивте ли дека вашиот премиер, Зоран Заев беше претседател на телото за реформи во судството? Колку време му требаше да го реформира и зошто токму тој?Господо излетници и печалбари во Владата, токму тука е проблемот, во разбирањето на перцепцијата. Целиот народ го гледа тоа што вие кои сте најповикани да го видите, не го гледате. А токму за тоа земате плата од народот. Првиот чекор кон решението на проблемот е признавање дека имате проблем, а не сокривање и дополнително поттикнување на истиот. Кој ви дозволи со сила да ја држите државата во заложништво?
За оваа раскалашеност и безвластие, одговорност мора да има.
Оставка дур е време!”
-фејсбук статус на Драган Ковачки- Член на Извршниот комитет на ВМРО-ДПМНЕ
