По синоќешниот ТВ дуел на Зоран Заев и Христијан Мицкоски голем број на општествени дејци го искажаа својот впечаток и мислење, во доминантен дел укажувајќи дека настапот на Претседателот на ВМРО-ДПМНЕ бил далеку подобар од настапот на лидерот на СДСМ.
Ламбе Арнаудов како еден од основачите на ВМРО-ДПМНЕ и човек кој е познат по своите конзистентни ставови во однос на внатрепартиските случувања во партијата во изјава за Курир го истакна својот став дека синоќа јавноста можела да види настап на еден благороден човек, патриот, кој што ги има сублимирано сите историски личности во себе и ја има дефиницијата на нивните најдобри патриотски чувства собрани во себе и од друга страна дека сме го гледале и слушале премиерот не на Република Македонија, туку на Република Грција.
Ова е неговата изјава интегрално во продолжение:
-Судбината на македонскиот народ е тешка и претешка. Меѓутоа, Македонецот сам избира како ќе оди-дали исправен, горд, честит или ќе се свитка, ќе лази или ќе оди по патот на историјата.
Синоќа беме сведоци на дуел на еден благороден човек, патриот, кој што ги има сублимирано сите историски личности во себе и ја има дефиницијата на нивните најдобри патриотски чувства собрани во себе, тоа е господинот Мицкоски кој потврди дека е бедем на македонската држава и народ, а од друга страна го имавме премиерот не на Република Македонија, туку на Република Грција.
Низ неговиот разговор почувствувавме дека тој повеќе се грижи за судбината на Грција и грчкиот народ и нивните интереси, отколку за Македонците,
-истакна Арнаудов во изјава за КУРИР.
