Откако Бујар Османи како Министер за надворешни работи соопшти дека со купувањето на руско гориво се финансира армијата на Руската Федерација со свое соопштение во јавноста излегоа од менаџерскиот тим на бензинските пумпи на Лукиол во Македонија.
“Драги вработени и клиенти на ЛУКОИЛ Македонија,
Би сакале да ја изразиме нашата благодарност и почит до сите вработени на бензинските станици и складот за нафтени деривати на ЛУКОИЛ Македонија за нивната висока професионалност, љубезност, како и за нивната посветеност кон работата и кон потребите на нашите клиенти. Вашата одлична работа е инспирација за сите!
Му благодариме на целиот тим на ЛУКОИЛ Македонија кој е во постојан контакт со нашите потрошувачи и нè претставува во вистинско светло и прави сè за да обезбеди стабилно и непречено снабдување со високо квалитетно гориво и квалитетна услуга за граѓаните и компаниите во земјата.
Воедно, изразуваме огромна благодарност и до сите клиенти на ЛУКОИЛ Македонија за довербата и разбирањето. Вашата лојалност за нас претставува силен мотив и обврска во иднина да продолжиме да работиме уште подобро и попосветено за Вас и Вашите потреби.
Со почит,
ЛУКОИЛ Македонија”
-интегрален текст на соопштение на менаџментот на бензинските пумпи на Лукиол во Македонија.
