Почитувани,
За прв пат во Општина Лозово по повод празникот 11-ти Октомври, Ден на народното востание на Македонскиот народ – се организира маратон во трчање во под името Маратон “11-ти Октомври” Лозово 2022.
Затоа,чест и задоволство ни е да ве поканиме да трчате во Централното подрачје на Република Македонија, Вторник, 11.10.2022 година!
Трки:
Трка 15.000 метри – почеток во 10:00 ч.
Трка 100 метри – почеток во 10:05 ч.(7-10год)
Трка 200 метри – почеток во 10:20 ч.(11-14год)
Трка 400 метри – почеток во 10:40 ч.(15-18год)
Напомена: За сите евентуални промени во времето за старт, сите учесници ќе бидат
известени преку официјалниот Facebook профил на организаторот!
Временско ограничување на трката:
Временското ограничување на трката од 15км изнесува 120 минути од стартот на трката.
Котизација: НЕ СЕ НАПЛАЌА
Награди:
Парични награди се предвидени за најбрзите 3(три)учесници во трката на 15.000 метри:
1. место 10.000,00 денари (пофалница + медал
)
2. место 6.000,00 денари (пофалница + медал
)
3. место 4.000,00 денари (пофалница + медал
)
Патека/Зона на старт и цел
Патеката за трката Маратон “11-ти Октомври” Лозово2022 е кружна, при што учесниците на
трката на 15км трчаат еден круг, Стартот и целта на патеката е на ул. “Маршал Тито” бб Лозово(пред пошта)
Напомена: за секоја промена, учесниците ќе бидат навремено информирани.
Освежителни станици:
Со оглед на тоа што патеката е со должина од 15км, освежителни станици ќе има поставено на
повеќе локации долж патеката.
Правила за учество:
Условите за учество на Маратон “11-ти Октомври”-Лозово 2022 се предмет на Општите услови на натпреварот и се задолжителни за секој регистриран учесник на настанот:
1. Секој учесник трката ќе ja започне на своја одговорност и ризик! Учесниците се лично одговорни за сопственото здравје и психофизичка состојба, како и за можноста да ја завршат трката во избраната категорија.
2. За време на натпреварот, од безбедносни причини, препорачливо е да не слушате музика и да не носите слушалки.
3. Водичи или други лица на велосипеди (или други средства), не смеат да ги придружуваат учесниците и затоа ќе бидат исклучени од полицијата или од организаторите.
4. Организаторот има право на денот на трката да го одбие учеството на тим или тркач кој носи маица со пораки кои поттикнуваат национална, верска и/или нетрпеливост, односно омраза по друга основа.
5. Според правилата на IAAF, прифаќањето освежување е дозволено само во областите на станицата за освежување.
6. Сите учесници мора да ги почитуваат упатствата на техничките лица и организаторите.
7. Учесниците прифаќаат дека употребата на нивното име, глас, фотографија или видео материјал му припаѓаат на организаторот, вклучително и сите видови рекламирање на радио, ТВ и Интернет и други комерцијални активности на организаторот.
8. Со пополнување на пријавата учесниците се согласуваат со Правилата за учество.
9. Повреда на овие правила може да доведе до дисквалификација!
КОВИД-19
Во моментов не постојат важечки здравствени протоколи за одржување на Маратонот.
Доколку се случат промени, настанот ќе биде одржан согласно важечките законски
прописи во времето на одржување на настанот, согласно здраствените протоколи кои ќе
важат на 11.10.2022 година и согласно препораките на надлежните органи и Комисијата
за заразни болести.
Организаторот има обврска да ги извести учесниците во најкраток можен рок за правилата и протоколите под кои ќе се одржи настанот.
Откажување од учество и непредвидени околности:
Учесникот може да се откаже од трката и нема обврска за тоа да го извести организаторот.
Организаторот го задржува правото да врши промени во Правилата за учество.
