Вработени во Јавното претпријатие “Камена Река” од Македонска Каменица денеска пак беа на терен во расчистување и справување со последиците на невремето од саботата вечер.
“Продолжуваме со отстранување на паднати стебла и откорнати дрвја кои по силното невреме претставуваат потенцијална опасност по безбедноста на граѓаните на Македонска Каменица и нивните имоти.
Во наредните денови со вклучена крупна механизација, екипите на ЈП Камена Река, покрај отстранувањето на уништени стебла и уредувањето на јавните простори во урбаната средина, со зголемен интензитет ќе работат на чистење на бујната вегетација околу коловозите на локалните патишта во руралните средини.”
-соопштија од ЈП “Камена Река” од Македонска Каменица.
