“Ветувања не остварува, ама барем остана верен на своите клептомански пориви. Типично за Заев човекот кој шибицарски пред камера бараше поткуп од 200 илјади евра, претходно го амнестираа за 8.5 милиони евра тежок сомнеж за криминал, сега поттикнува поткуп среде Крива Паланка. Ништо не е чудно, тоа е пусти Заев кој за тие пари подготвен е се да продаде само фотелјата да ја задржи. А обвинителството продолжува да молчи како надвор да не се случува ништо, како да има „бајка“. Медиумите 20 минути зборуваат за убавиот сон на Заев додека масовна плачка се случува низ Македонија.”
– изјави претседателот на ВМРО-ДПМНЕ Христијан Мицкоски од протестниот марш во Штип.
Тој додаде дека ВМРО-ДПМНЕ, почитувајќи ги своите вредности на индивидуална слобода и демократско поведение одлучи да остави на граѓаните на оваа држава да постапат на 30-ти септември по своја слободна волја и убедување! Тоа значи, дека партијата нема да наметнува партиска агенда, туку ќе учествува во дебатата исклучиво презентирајќи факти и аргументи во кои се длабоко убедени дека се на наша страна.
“Мора да знаете дека не гласате за европски вредности затоа што ова е референдум на кој се одлучува дали го прифаќате или не го прифаќате Договорот од Нивици и ништо друго! Гласањето ЗА нема да го промени фактот дека Зоран Заев и следниот ден ќе му дели тендери на брат му Вице, Кочо Анѓушев и понатаму ќе удира по новинари со фломастер, нивните градоначалници ќе продолжат да ги шпионираат своите соседи и сограѓани, ќе шверцуваат цигари или ќе тепаат жени и што уште не се спремни да направат за таа пуста власт.”
– истакна Мицкоски.
