Општина Македонска Каменица во организација на Здружението на Пензионери ѝ оваа година ќе ја поддржи манифестацијата „Бабина Баница“.
По тој повод од Општината ги повикуваат сите граѓани да бидат дел од оваа манифестација која се организира по седми пат во атарот на село Цера во Туристичко Манастирскиот Комплекс „Еленец“.
Овој настан, оваа година за прв пат прераснува во интернационален, кој ќе биде збогатен со учесници од соседните земји Република Бугарија и Република Србија.
Општина Македонска Каменица ги поканува сите љубители на Македонската култура и традиција да ја посетат манифестацијата на 3-ти Јуни (Недела).
Минатата година на оваа манифестација беа присутни над 6000 посетители од целата држава. Оваа година очекуваме уште поголем број посетители.
