Денеска Министерот за здравство Венко Филипче се појави на партиски настан на СДСМ во Гостивар каде зборуваше како партиски мегафон со напади кон опозициската ВМРО-ДПМНЕ.
Човекот кој што е најодговорен за лошото здравство во државата, неспособните политики за справување со пандемијата со ковид вирусот, неспособноста за брза и ефикасна набавка на вакцини за заштита на населението, како и за сомнителните тендери во здравството, зборува за опозицијата како тој да не е на власт веќе 4 години.
За неговото обраќање пред жителите на Гостивар своја реакција во јавноста упати и претседателот на ВМРО-ДПМНЕ Христијан Мицкоски кој меѓу другото рече:
“Завршува Јуни, а вакцини нема, илјадници наши сограѓани во Србија на вакцинирање. Стотици илјади на листа на чекање дома. Чекаме милост/донација вакцини. На врвот според бројот на починати од корона вирусот. СТАБРИ од Хонг Конг провизија за вакцини за власта додека луѓе животи губат. Тендер за реагенси и zuti45@yahoo.com. Тендер за стерилизација и криминал. Ден Дончев и кеш на рака, рекет. Хациенди на Водно. Тендер за клинички 400 милиони евра поскап од слични такви во регионот и што ли уште не…, ова не е лага, ова е криминал, срам, пљачка и за ова ќе има одговорност.”
