Здружението на наставници по Македонски јазик од целиот свет по повод 24 Мај- Денот на Св. Кирил и Методиј успеа преку свое видео да ги обедини младите Македонци од сите светски меридијани на едно место.
Станува збор за изработено видео обраќање на млади Македонци од повеќе европски и земји во светот со песни, рецитали, пеење и читање на литературни и музички творби на Македонски јазик.
Најмладите дечиња и малку повозрасни младинци од Шведска, Германија, Швајцарија, Австралија и Флорида (САД) во чест на Св. Кирил и Методиј пејат за својата Македонска Азбука, рецитираат и читаат литературни творби посветени на Македонскиот јазик и Светите браќа Кирил и Методиј, цртаат графички прилози и танцуваат на Македонски песни…
Толку жер, љубов и посветеност собрани на едно место во чест на Македонскиот Мајчин јазик, на што на гледачот му останува само да се наежи и да ракоплеска. И сето тоа создадено од неуморната и посветена работа на наставниците по Македонски јазик во целиот свет, кои допринесуваат за бесмртноста на Македонија насекаде.
“По иницијатива на Здружението на наставници по Македонски јазик во светот, по повод 24 Мај празникот на Св. Кирил и Методиј, Македонски деца кои живеат на сите светски меридијани во целиот свет снимија свои кратки видео пораки.Преку песнаа, рецитали, перформанси дечињата зборуваат за својата азбука, за својот јазик и за Св, Кирил и Методиј.
Со овие пораки младите Македонци од Швајцарија, Австралија, Флорида (САД), Германија, Шведска… праќаат топли поздрави во целиот свет и во својата татковина Македонија и глас дека Македонскиот јазик ќе продолжи да живее секаде каде што се тие.”Здружението на наставници по Македонски јазик во светот” (засега) е неформална група на наставници кои што предаваат Македонски Јазик за Македонските дечиња во голем број на светски и европски држави.”
-стои во прилог на видеото кое што го пренесуваме во продолжение:
