Денеска во контекст на развојот на настаните во Брисел во однос на ЕУ интегративните процеси на Македонија и Албанија, претседателот на САД Џо Бајден издаде своја изјава во јавноста со која ги поздрави важните чекори на ЕУ за напредок на интеграциите на Западен Балкан во Евро-Атланската заедница.
“Во момент кога Русија го разниша мирот во Европа, поважно од било кога е поддршката на аспирациите на Европа како целина, слободна и во мир. Демократски, безбеден и просперитетен Западен Балкан останува од суштинско значење кон оваа визија. САД ќе продолжат да бидат силен и доверлив партнер додека овие нации работат во одбрана на човековите права, зацврснување на демократските реформи и подобрување на владеење на правото. Чекорите кои што ЕУ, Албанија и Македонија ги превзедоа во последните денови треба да ги инспирираат сите ЕУ аспиранти во регионот за зголемување на нивната определба за зајакнување на нивните демократии,”
-стои во писмената изјава на Џо Бајден упатена денеска од Белата Куќа.
