На јутјуб се појави интересно видео на кое може да се видат ученици во средно училиште Таканава во Токио во Јапонија како се подготвуваат и прават интервју со амбасадорот на Република Македонија во Јапонија Горан Цеков. Станува збор за ученици кои што во рамки на своите школски активности го изучуваат Македонскиот Јазик, но и се запознаваат со Македонските традиции, обичаи и култура како и знаменитости на Македонија.
“На 27 април 2022 амбасадорот Горан Цеков беше домаќин на учениците од средното училиште Takanawa од Токио кои, веќе втора година, вон редовната наставна програма, продолжуваат со голем ентузијазам да го изучуваат македонскиот јазик, а се запознаваат и со нашите културни традиции и обичаи.
Часот по македонски јазик, подготвен од професорот Томоки Аојама, беше одржан во нашата амбасада, при што учениците ни поставуваа прашања за секојдневни теми ( култура, општество, традиции, храна и сл.) на македонски, по што следеа наши одговори и елаборации.
Во оваа прилика, на сите ученици им подаривме комплет монети од македонски денари, кои децата со восхит ги прифатија.”
-соопштија од МАкедонската амбасада во Токио.
