Сојузот на синдикати на Македонија во јавноста објави своја реакција во врска со неприфаќањето на предлог амандманот поднесен од пратеници на ВМРО-ДПМНЕ за покачување на платата на работниците во јавниот сектор и гласањето против овој амандман од страна на пратениците на СДСМ и ДУИ. Во текот на вчерашниот ден во матичната комисија за Буџет во рамки на расправата за ребалансот за 2022 година во собранието беше на дневен ред ставен предлог амандманот на група пратеници од ВМРО-ДПМНЕ кои што бараа зголемување на платата за вработените во јавниот сектор за 2800 денари. На тоа остро се спротивставија пратениците од владеачките СДСМ и ДУИ кои гласаа против ваквиот предлог, со што истиот не се усвои.
Во врска со оваа состојба своја реакција во јавноста упатија од ССМ чиј што текст го пренесуваме во продолжение:
“ЖЕСТОКА БОРБА НА ПРАТЕНИЦИТЕ ОД ВЛАСТА ДА НЕ МУ ДАДАТ НА РАБОТНИКОТ 2806 ДЕНАРИ ЗГОЛЕМУВАЊЕ НА ПЛАТА
Денеска, работниците беа сведоци на срамно однесување на пратениците од владеачкото мнозинство членови на Комисијата за финансирање и буџет кои најостро се спротиставија на предлог амандманот на ССМ кој предвидуваше средства во буџетот за зголемување на платите на вработените во јавен сектор за 2806 денари.
Срамните образложенија на пратениците од владеачкото мнозинство беа изразени преку вулгарни напади на околу 138.000 работници во јавен сектор кои според нив не заслужуваат плата, не работат, не се ефикасни и не придонесуваат, без да разберат дека истите тие работници и нивните семејства ги молат да ги гласаат на избори.
Работниците во јавниот сектор мора да знаат дека за амандманот за зголемување на нивната плата гласаа :
Бојан Стојаноски
Тони Јаревски
Зоранчо Јованчев
Жаклина Пешевска
Дафина Стојаноска
Рашела Мизрахи
Против работниците, против зголемување на нивната плата, против амандманот на ССМ гласаа:
Лолита Ристова
Марија Кочовска
Панчо Минов
Марија Георгиевска
Драгица Ѓавочанова
Жаклина Лазаревска
Бајрам Кадрија
Истовремено еден од пратениците Исмаил Јахоски не гласаше никако.
Не е добро да не си на страната на работниците кои воедно се и гласачи, гласот против работниците е уште еден глас против политичката партија која ја претставуваш и уште еден ГЛАС ЗА ГЕНЕРАЛЕН ШТРАЈК кој поради овие 7 пратеници од владеачкото мнозинство започнува на 22.06.2022 година.
Денеска работниците ве молеа, утре ќе ги молите!
Ги повикуваме сите работници кога ќе ги сретнат во партија овие 7 пратеници да ги прашаат како да преживеат и зошто се против нивната егзистенција и егзистенцијата на нивните деца и семејства.
СДСМ – Социјалдемократски сојуз на Македонија
ВМРО-ДПМНЕ, ВМРО-ДЕМОКРАТСКА ПАРТИЈА ЗА МАКЕДОНСКО НАЦИОНАЛНО ЕДИНСТВО“
-соопштија од ССМ.
