Во нова мисија, државна одговорност за Косово! Му благодарам на претседателот на Република Косово, Хашим Тачи за довербата и моето именување за амбасадор/шеф на Дипломатската мисија на Република Косово во Република Македонија,
-напиша Дедај на својот профил, откако се здоби со функцијата Амбасадор на Косово во Македонија.
Функцијата амбасадор во Македонија на Дедај , предизвика бројни негативни реакции во косовската а и во македонската јавност.
Хади Османи, кандидатот за градоначалник од Липково од СДСМ на својот фејсбук профил изрази незадоволство за изборот на Дедај.
Тој напиша:
Во мултиетничка и рамноправна држава за сите граѓани, нема место за фашистите како Ѓерѓ Дедај. Мојата загриженост ќе му ја пренесам и на премиерот Зоран Заев и ќе побарам од него да не прифати амбасадор кој ги навредува заедниците што живеат во Македонија. Тој е фашист, расист, исламофоб … Тој е разрешен од функцијата за фашизам, не прифаќаме ѓубриња.
