Денеска од Општинскиот Комитет на ВМРО-ДПМНЕ од Штип упатија обвинување за неодговоро практикување на локалната влат од страна на Градоначалникот Благој Бочварски.
Во продолжение во целост ја пренесуваме прес конференцијата на Игор Ефтимов од ВМРО-ДПМНЕ од Штип.
Неколку дена се шири опасна смрдеа низ улиците во Штип.
Денес сме во населба Дузлак, каде веќе трети ден се изливаат фекалии на улица по која се движат и ученици. Да се минува одовде е речиси невозможно, поради непријатниот мирис и ризикот од потенцијални болести.
Меѓутоа, неодговорноста на власта не е само овде. Истата слика ја имаме во Ново Село и во други населби во градот, но извесно време нема никаква реакција од одговорните за санирање на дефектите.
Со зачестените врнежи, овие проблеми испливуваат на површината и стануваат секојдневна појава во секое населено место.
И додека СДСМ се грижи да обезбеди што повеќе луѓе за полупразните митинзи, граѓаните се гушат во неподнослива реа од дефектна канализациска мрежа.
Локалните власти секојдневно ни докажуваат дека не се способни да одговорат ни наједноставните проблеми со кои се соочуваат граѓаните. Во предизборната програма, Градоначалникот ветуваше решавање, меѓутоа и после две години, нема идеја како да се справи со овие елементарни проблеми на граѓаните на Општина Штип.
Почитуван Градоначалник,
Срамно е што во 21 век, од една страна Вашата партија лажно ветува влез во Европската Унија, а од друга страна Вие не можете да обезбедите елементарни услови за живот (во кои ќе нема изливање на фекалии во урбани средини) за граѓаните на нашата Општина.
