Претседателот на ВМРО-ДПМНЕ Христијан Мицкоски во своето синоќешно гостување во емисијата “360 степени” на ТВ АЛСАТ-М помеѓу повеќе актуелни теми зборуваше и за поддршката на партијата за новиот закон за легализација на дивоградбите кој што беше изгласан во Собранието, но поради непотпишувањето од страна на Стево Пендаровски истиот е вратен повторно во собрание за расправа и гласање.
Мицкоски ја нагласи потребата од донесување на овој закон во видоизменета форма затоа што таков закон им е потребен на Македонските граѓани со цел за надминување на огромен број на проблеми со постоењето на дивоизградени објекти од различен тип, картактер и значење. Притоа Мицкоски го дообјасни делот од законот кој што во јавност често се заборава да се акцентира а тоа е дека во процесот за поднесување на барања за специфичниот објект се бара мислења од повеќе институции кои што треба да одредат дали објектот може да се легализира зависно од неговата местоположба и влијание на околината.
Мицкоски истакна дека е погрешна перцепцијата дека дивоградбите ќе се легализираат за 1 евро по метар квадратен туку соопшти во законот стои дека барателот за легализација треба да плати 150% од износот колку би чинеле комуналиите за изградба на тој објект во редовна законска постапка.
Целата емисија со лоидерот на ВМРО-ДПМНЕ Христијан Мицкоски може да се погледне на сл. линк тука.
