На 5 јули започнуваат настаните од манифестацијата „Петровденски конаци“, со која Кочани ќе го одбележи Петровден, Празникот на Општината.
Организацијата е на Општина Кочани и Центарот за култура „Бели мугри“ која вклучува културни содржини од сценско-музичка, ликовна, литературна и тетарска дејност, како и спортски настан – „Петровденскиот турнир во мал фудбал“. Манифестацијата ќе стартува со концерт „Музика за флејта и пијано“ на флејтистката Златка Митева и пијанистката Наташа Трбојевиќ.
6 јули е ден на ликовното претставување на Божица Милојевиќ, Владимир Темков, Новица Трајковски, Љупка Галаска Василев, Игор Љубовчевски-Љубац и Гордана Винчич. 7 јули , поетска вечер која ќе заплени во етно стил.
Свој термин за Хип – хоп концерт ќе имаат и мега популарните чиста околина и токсикологија. А на 10 јули ќе уживаат и љубителите на џезот.
