По одлуката на Министерството за Култура да се намалат наградите за победниците на фестивалот „Макфест, Општина Штип донесе одлука дека Општината ќе обезбеди повисоки награди. Од Општината изгледоа со изјава:
Висината на паричните награди нема да биде како што беше порано, но нема да биде ниту како што предлага Министерството. Според одлука на општината, првата награда ќе биде 5.000 евра, втората награда со 4.000 евра и третата 3.000 евра. Овие средства се пари кои општината ги има предвидено за Фестивалот „Макфест“, а се во склоп на Годишната програма за култура. При донесување на програмата, за оваа намена од општинскиот буџет се одвоени 4 милиони денари. Општина Штип има свои средства и одлучи од тие средства да го надополни оној награден фонд.
