На денешниот протестен марш на ВМРО-ДПМНЕ против штетните политики на Владата предводена од Зоран Заев, во Кичево пред присутните граѓани се обрати и Претседателот на Општинскиот Комитет на партијата во Кичево, Ѓорѓија Сајкоски.
Тој пред присутните порача:
Денешниот собир претставува апел за Владата да ги стопира штетните политики и да даде шанса за развојот на државата. Шанса за доизградба на започнатите проекти кои носат сигурна иднина на граѓаните на Кичево и Македонија.
Со секој изминат час ќе бидеме се побројни. Вие знаете кој може најдобро да работи за својот народ. Кој знае да гради институции и држава. Знаете што е најдобро за Македонија. Но треба да бидеме свесни дека за тоа треба непрекинато да се бориме, само така можеме да ги отвориме нашите можности. Но исто така знаеме дека само ВМРО-ДПМНЕ може да е предводник на тие процеси.
