На отворената летна сцена на новиот Амфитеатар во Вевчани, свечено беше отворен 9-тиот Фестивал на народна култура „Пображење”- Вевчани.
Фестивалот за отворен го прогласи Др.Владимир Боцев претставник од Музеј на Македонија, а народни култури од своите земји презентираа фолклорни ансамбли од: Македонија, Германија, Естонија, Словачка и Хрватска.
Пред свеченото отворање, учесниците одржаа дефиле низ улиците во Вевчани, а Вевчанци традиционално со бокал вино пред куќите ги поздравуваа гостите уметници.
На свеченото отворање вевчанци за добредојде на гостите запалија голем огномет кој ги воодушеви присутните, како поздрав за сите учесници и за многубројната публика.
