Пратеникот Антонио Милошоски за кого во минатото имаше шпекулации од страна на провладини медиуми дека има драстични несогласувања со Претседателот на ВМРО-ДПМНЕ Христијан Мицкоски, пред малку на својот фејсбук профил излезе со јасна и недвосмислена поддршка на Мицкоски со цел за консолидација на ВМРО-ДПМНЕ во овие мачни моменти за Република Македонија.
Драматичните случувања во Собранието и нелегалниот чин против Уставот, барем дадоја појасна слика за тоа кој се залага да се испочитува вољата на народот од кој сме избрани, а на кого му се побитни заткулисните договори.
Христијан Мицкоски, претседателот на ВМРО-ДПМНЕ, сепак покажа дека му е побитна демократската доверба која гласачите им ја дале на пратениците, и вољата на членството и симпатизерите.
Со тој став ја заслужи мојата поддршката и како пратеник, и како член на ВМРО-ДПМНЕ од 1992 година. Консолидацијата и единството во ВМРО-ДПМНЕ, врз основа на програмските определби, се потребни и полезни за демократијата во Република Македонија.
-напиша Антонио Милошоски на фејсбук.
