Забраната за постоење на твитер акаунтот на се уште актуелниот Претседател на САД од страна на Твитер компанијата е преседан кој што ќе остави длабоки последици во односите помеѓу демократскиот свет во иднина.
Последните објави на твитер кои што беа причина за укинување на профилот на Доналд Трамп на оваа мрежа, за некого можеби е изненадување, но за познавачите на состојбите оваа постапка од страна на менаџментот на твитер е очекувана со оглед на генезата на проблемите кои што Трамп ги имаше во изминатите 4 години наметнати од страна на меинстрим медиумите.
Според многумина ПР експерти победата на Трамп на претседателските избори во 2016 година беше во голема мера овозможена токму од твитер мрежата каде што Трамп доминантно ги проектираше своите политики и комуникацијата со јавноста.
Во текот на мандатот на Трамп се појавија обиди од страна на неговата администрација за ограничување на моќта на социјалните мрежи, што сега се покажа фатално за самиот Трамп.
Во оваа пресметка на силите на Твитер и се уште актуелниот претседател на САД се чини дека првата битка ја извојуваа менаџерите на твитер, но според најавите оваа медиумска војна за моќ и влијание е далеку од готова.
Последните објави на Трамп на твитер после кои следуваше забраната на профилот на американскиот претседател се сл.
“Како што зборував долго време, Твитер отиде понатаму и понатаму во забраната на слободниот говор, и вечерва вработени во твитер се координираат со Демократи и радикални левичари за отстранување на мојот акаунт од нивната платформа, за да ме замолчат, како и ВАС 75 милиони патриоти кои што гласаа за мене. Твитер можеби е приватна компанија, но без подарокот од Владата во Делот 230 тие нема да постојат за долго. Предвидов дека ова може да се случи. Преговаравме со различни други сајтови, и ќе имаме голема објава наскоро, додека исто така ја разгледуваме можноста за изградба на сопствена платформа во блиска иднина. Нема да бидеме замолкнати. Твитер не е за слобода на говорот. Тие се за промоција на Радикална левичарска платформа каде што им е дозволено на некои од најзлобните луѓе во светот да говорат слободно.
Останете на линија.”
-напиша Доналд Трамп на својот Претседателски Твитер профил пред истиот да биде забранет од твитер компанијата.
