Пратеникот Драган Ковачки од ВМРО-ДПМНЕ во јавноста објави своја реакција во која што тој го обвинува МВР за партизираност од страна на партиски структури на СДСМ.
Тој пренесе во јавноста свои фото прилози на кои се гледаат лица од највисоките структури во МВР како седат во првите редови на партиска трибина на СДСМ.
Дали на ваков начин граѓаните се заплашуваат за периодот кој што следува со прикажување на високи полициски функционери на партиски трибини на СДСМ е прашање кое што се наметнува со ваквата манифестација.
“Во МВР се продолжува или со партиски притисок врз началниците и вработените, или со доброволен партиски ангажман на началниците на МВР.
И во двата случаи, станува збор за непочитување на Законите.
Началниците поставени лично од Министерот Спасовски, минатата вечер биле во први редови на партискиот собир на налегитимниот Ковачевски и неговите Социјал-Демократи на Северна Македонија во Кавадарци.
Славчо Богев – Началник на граничната полиција – Регионален Центар-Југ,
Павлинка Шемова – Началник на ОКРА во Регионален Центар – Југ,
Флорида Мицева – Началник на комисијата за прекршоци во полицијата во Кавадарци,
Анета Ристова – секретарка во полицијата во Кавадарци.
Наместо Ковачевски да бара од Спасовски да го спроведува Законите за Внатрешни и за Полиција што без консултација со опозицијата ги донесоа, а со кои се забранува членување во политичка партија, тие ги изложуваат вработените на јавен револт и нивно повикување на дисциплинска одговорност.
Имено, наместо да бркаат криминалци (кои седат во Владата), началниците на МВР мораат да им одат по партиски настани. А и како не би оделе, кога сите напредуваат вртоглаво во кариерите благодарение на Спасовски кој непочитувајќи ги Законските и подзаконските прописи си унапредува по негови критериуми.
Што ли на ова има да кажат ДКАФ, ГРЕКО, ЕУ и слични кои вложиле средства во реформата на МВР?
СДС го распадна системот.”
-алармира Драган Ковачки- пратеник на ВМРО-ДПМНЕ
