Претседателот на Општинскиот комитет на ВМРО-ДПМНЕ од Берово упати свое обраќање до јавноста во предвечерието на вториот круг од Претседателските избори што ќе се одржат во Република Македонија.
Во продолжение интегрално го пренесуваме обраќањето на Никола Атанасов од ВМРО-ДПМНЕ:
Почитувани граѓани на Берово и Малешевијата,
Поминаа уште две недели помеѓу двата круга од кампањата која се води за претседателските избори. Овие дополнителни денови само го докажаа на дело сето она за што зборувавме и предупредивме и со претходното обраќање. Овие две недели на сите им покажаа со каква власт си имаме работа во изминатите две години. Сведоци сме на невидена агресија, посети со лично обезбедување од страна на разни сдсмовски функционерчиња и моќници, закани и уцени спрема чесните и работливи жители на Општина Берово, а сето тоа со цел да го инсталираат на претседателската фотеља нивниот кандидат кој е 102,5% ист како нив(ова го кажува и се фали самиот тој кандидат). Машинеријата на власта е пуштена на најјако. Во оваа валкана кампања која ја водат се вклучени сите, од најниско до највисоко ниво. Се нуди се и сешто само за да им биде ветено дека ќе го добијат гласот во вториот круг.
Меѓутоа, нашиот народ е многу паметен, веќе сте прочитани, народот се охрабри и ве казни многу јако во првиот круг, а сега дополнително ќе ве казни уште повеќе за сето зло кое го нанесовте за овие две години на власт. Сакаме да си знаете дека ВМРО-ДПМНЕ во сојуз и соработка со граѓаните уредно ги следи, докментира и архивира сите ваши нелегални активности кои ги преземате изминативе денови, како и оние кои планирате да ги правите во деновите што следуваат се до денот на изборите. За се што е нелегално и незаконски, бидете уверени дека еден ден кој ќе дојде многу скоро, ќе мора да одговарате согласно законите, а знаете дека казните не се воопшто мали и наивни. Запрашајте се дали вреди да си го уништувате сопствениот живот заради вакви неспособни кадри кои ги промовира вашата партија? Дополнително ги охрабруваме сите чесни луѓе да не ви се плашат, законот е на ваша страна, нивното се виде и помина уште во првиот круг, сега во недела само ќе бидете доизметени од МЕТЛАТА, ама не од онаа на Заев, туку од вистинската ,,НАРОДНАТА МЕТЛА,, која не простува и не знае да гали.
Почитувани беровци, митрашинчање, будинарчање, русинци, ладимерци, мачевци, смојмирци, ратевци, дворишчање, огромна благодарност до сите од ОК на ВМРО-ДПМНЕ Берово, за поддршката која ни ја дадовте во првиот круг од изборите.
Довербата помеѓу нас постепено се враќа и за тоа ние многу скоро ќе ви возвратиме во рамките на нашите можности, меѓутоа искрено, посветено и чесно. Ве охрабруваме уште еднаш во вториот круг на 5-ти Мај да ги казните овие властодршци од СДС кои се неспособни и корумпирани трговци со се што е свето во Македонија. Тоа треба да биде уште посилно од претходниот пат, кога нивните гласови беа преполовени во споредба со последните локални избори, потребно е затоа што нанесоа и премногу зло да може да им биде простено од ваша страна.
Охрабрете се, да не седиме дома, од тоа фајде ќе нема, тие тоа и го посакуваат, само тоа во моментов може и да ги спаси. Оваа Хунта која владее со нас може да биде сменета само на избори и тоа најпрвин на претседателските, а потоа и на вонредни парламентарни.
На 5-ти Мај, ние жителите на Берово и Малешевијата, повторно како и на 21-ви Април имаме историска можност да го спречиме ова црнило, да го сопреме ова зло и да дадеме можност да изгрее зора, зора на слободата. Ова почитувани ќе биде единствено можно со заокружување на бројот 2 за председателскиот кандидат поддржан од ВМРО – ДПМНЕ, Проф.Д-р. Гордана Сијановска – Давкова.
Правда за МАКЕДОНИЈА !
Татковината Повикува !
